Тілдер мерекесі

Ескелді ауданы, Нұрмолда Алдабергенов атындағы орта мектепте барша қазақтың бағына туған Ахмет Байтұрсынұлы мен Қазақстан Республикасы халқы Тілдерінің мерекесі күні онлайн түрде қатар тойланды. Олай дейтін себебіміз 5-қыркүйек ұлттың ұстазы А.Байтұрсынұлының туған күні. Осы мерекемен тұспа-тұс келген тілдер мерекесі біздің мектепте де жоғары деңгейде өтті. Қазақ тілі мен әдебиеті бірлестік жетекшісі Гүлжазира Құдайбергенқызы өз сөзінде барша әріптестерін құттықтап, жылы лебізін білдірді. Аты аталған мектептің қазақ тілі мен әдебиеті пәні мұғалімі Аңсаған Акуқызы ақынның өлеңдерінен үзінді оқыса, оқушыларда өз өнерлерін ортаға салып бақты. Бұл мейрамдардың біз үшін, қазақ елі үшін алар орыны ерекше болмақ!